Si Cinpin Almaniya kansleri ilə danışıqlar aparıb
Çin Prezidenti Si Cinpin Almaniya kansleri Olaf Şolzla videobağlantı vasitəsilə görüş keçirib.
"Sinxua" xəbər verir ki, Çin-Almaniya münasibətlərinin ikinci 50 illik dövrə qədəm qoyduğunu qeyd edən Si, Çin və Almaniyanın hərtərəfli strateji tərəfdaşlar olaraq, qarşılıqlı fayda ruhunda birlikdə çalışdıqlarını və qarşılıqlı öyrənmə və mübadilə ruhunda birlikdə inkişaf etdiklərini söyləyib.
"Tərəflər son onilliklər ərzində Çin-Almaniya münasibətlərinin rəvan inkişafının bu dəyərli təcrübəsini dəyərləndirməli və nəsildən-nəslə ötürməlidir", - Si deyib.
O, Çin-Almaniya əməkdaşlığını açıq və praqmatik adlandırıb və onun daim zənginləşdiyini və inkişaf etdiyini qeyd edib.
