BMT-nin baş katibi Qəzzada dinc əhali arasındakı itkilərdən danışıb
BMT-nin baş katibi Antonio Quterreş Qəzzada dinc əhali arasında itkilərin sayını heyrətamiz və qəbuledilməz adlandırıb.
Bu barədə TASS məlumat yayıb.
Baş katib BMT-nin Yaxın Şərqdə fələstinli qaçqınlara köməklik göstərən agentliyi tərəfindən idarə olunan iki məktəbə edilən hücumlardan dərin sarsıldığını bildirib və təcili humanitar atəşkəsə çağırıb. O xatırladıb ki, onlarla qadın və uşaq BMT binalarına sığınmaq istəyərkən öldürülüb.
Eyni zamanda, Quterreş Fələstin-İsrail münaqişəsinin həllində vasitəçilik səylərinə görə Qətərə minnətdarlığını bildirib.
