Üç dövlət eynəlxalq ictimaiyyəti Şimali Koreyanın nüvə fəaliyyətlərini dayandırmağa çağırdı
ABŞ, Cənubi Koreya və Yaponiyadan olan milli təhlükəsizlik müşavirləri Şimali Koreyanın nüvə silahı və raketləri inkişaf etdirməsini, onun “kiber oğurluq” fəaliyyətini və Rusiyaya iddia edilən silah satışının qarşısını almaq üçün beynəlxalq tədbirləri gücləndirməyə çağırıblar.
ABŞ-ın Milli Təhlükəsizlik müşaviri Ceyk Sullivan Vaşinqtonun Seul və Tokio ilə müdafiə sahəsində əməkdaşlığı gücləndirmək və Şimali Koreyanın raket sınaqlarına və kosmos buraxılışlarına cavab tədbirləri, o cümlədən real vaxt rejimində Şimali Koreyanın raket buraxılışları ilə bağlı məlumat mübadiləsi mexanizmi yaratmaq üçün çalışdığını bildirib. O, həmçinin qeyd edib ki, ölkələr Şimali Koreyanın nüvə silahı və raket proqramı üçün maliyyəni kəsmək məqsədi daşıyan ABŞ-ın rəhbərlik etdiyi beynəlxalq sanksiyalardan yayınmaq səylərinə daha yaxşı cavab vermək üçün yeni təşəbbüslər üzərində razılaşıblar: "Bu, kriptovalyutalar və çirkli pulların yuyulması, Şimali Koreyanın kriptovalyutaların sındırılması və oğurlanması və sonra mübadilələr vasitəsilə yuyulmasından gəlir əldə etmək qabiliyyətini necə pozacağımız ətrafında yeni bir səy olacaq".
Eyni zamanda, Sullivan Şimali Koreyanın Rusiyaya tədarük edilən silahlarının növləri və həcmi ilə bağlı ABŞ-ın təfərrüatlı təxminlərini bölüşməkdən imtina edib. O, Cənubi Koreya və Yaponiya rəsmiləri ilə bu məsələ ilə bağlı müzakirələrinin xüsusiyyətlərini şərh etməyib.
