Kiyevə 50 milyard avro yardım məsələsi Aİ sammitinə çıxarılıb
Dekabrın 14-15-də keçiriləcək Aİ sammitinin gündəliyinə Ukraynanın Avropa İttifaqına daxil olması və 2027-ci ilə qədər Kiyevə 50 milyard avro ayrılması məsələsinin müzakirəsi daxildir.
Bu barədə Avropa Şurasının rəhbəri Şarl Mişelin Aİ liderlərinə məktubunda deyilir.
Sənəddə bildirilir: “Biz Ukraynaya daimi, davamlı siyasi, maliyyə və hərbi yardım göstərməliyik, xüsusən də onun uzunmüddətli sabitliyi üçün 50 milyard avro ayırmağa razı olmalıyıq”.
Mişel Ukraynanın Aİ-yə daxil olması ilə bağlı danışıqların vacibliyini qeyd edib. Onun sözlərinə görə, bu mövzunun müzakirəsi lazımi siqnal verəcək və Kiyevi Avropa İttifaqına yaxınlaşdıracaq.
