Bakıda sexdəki yanğında ölənlər arasında Gürcüstan vətəndaşı da var
Bakıda sexdə partlayışda ölənlərdən biri Gürcüstan vətəndaşıdır.
AFN Report-a istinadən xəbər verir ki, bu barədə Gürcüstan Xarici İşlər Nazirliyindən bildirilib.
Qeyd olunub ki, nazirlik mərhumun yaxınları ilə əlaqə saxlayır.
Ölən şəxsin adı açıqlanmayıb.
Xatırladaq ki, yanvarın 15-də Bakının Binəqədi rayonundakı sexdə baş verən partlayışda 7 nəfər ölüb, 24 nəfər xəsarət alıb.
