Florida ştatında kiçik təyyarə evin üzərinə düşüb
ABŞ-ın Florida ştatında kiçik təyyarənin səyyar evə çırpılması nəticəsində yanğın baş verib. Yanğın nəticəsində ölən və yaralananların olduğu bildirilib.
ABŞ-ın Florida ştatının Kliruoter şəhərində tək mühərrikli Beechcraft Bonanza V35 tipli təyyarə mobil evin üzərinə düşüb. Qəzadan sonra yanğın baş verərkən əraziyə polis və tibb qrupu sövq edilib.
Yanğın nəticəsində daha üç evə də ziyan dəyib.
Federal Aviasiya Administrasiyası (FAA) pilotun "mühərrik nasazlığı" barədə məlumat verdiyini bildirib.
Qəza ilə bağlı araşdırmalar davam edir.
