ABŞ ordusuna məxsus helikopterin qəzaya uğraması nəticəsində 3 əsgər həlak olub
ABŞ ordusuna məxsus helikopterin Meksika sərhədində qəzaya uğraması nəticəsində 3 əsgər ölüb, 1 əsgər isə yaralanıb.
ABŞ Şimal Birgə Əməliyyat Qüvvələri tərəfindən verilən açıqlamada, "UH-72 Lakota" model helikopterinin dünən sərhəd təhlükəsizliyi missiyası zamanı Texasın Rio Qreyd şəhəri yaxınlığında qəzaya uğradığı bildirilib.
Açıqlamada 2 Milli Qvardiya və 1 sərhəd zabitinin həlak olması, 1 əsgərin yaralanması ilə nəticələnən qəzanın səbəbləri ilə bağlı araşdırmalara başlanıldığı bildirilib.
Rio Qreyd şəhərinin yerləşdiyi Starr rayon hakimi Eloy Vera yaralı əsgərin vəziyyətinin ağır olduğunu qeyd edib.
