Tayvanda baş verən zəlzələdə ölənlərin sayı 10-a çatıb
Tayvanın Hualien şəhərində baş verən 7,4 bal gücündə zəlzələdə ölənlərin sayının 10-a yüksəldiyi bildirilib.
Təbii fəlakətdən sonra qurulan Təcili Yardım Mərkəzinin verdiyi açıqlamaya görə, axtarış-xilasetmə qrupları Hualien şəhərinin şimalındakı Taroko Milli Parkında 65 yaşlı bir adamın cəsədini tapıb.
Təsdiqlənmiş ölümlərin sayı indiyədək 10-a çatsa da, 38 nəfərin hələ də itkin olduğu bildirilir.
Bildirilib ki, zəlzələ zamanı Taroko Milli Parkının yaxınlığından 8 saylı magistral yolu ilə hərəkət edən 3 avtobusla əlaqə saxlamaq mümkün olmayıb, 30 otel işçisi, gəzintitə çıxan 6 nəfər və avtobusda gedən 2 turist itkin düşüb.
Digər tərəfdən, zəlzələ və artçı təkanlar nəticəsində yolları və keçidləri bağlayan, tikinti sahələrinə girişi əngəlləyən torpaq sürüşmələri nəticəsində 660 nəfər qapalı qalıb.
Bildirilib ki, axtarış-xilasetmə işləri Milli Parkın yerləşdiyi Taroko vadisi və 8 saylı magistralın ətraf ərazilərində cəmlənib.
Rəsmi məlumatlara görə, zəlzələ nəticəsində 1067 nəfər xəsarət alıb. Ölənlərdən 5-nin qadın olduğu qeyd edilib.
Zəlzələ və onun zəlzələləri nəticəsində 24 sürüşmə baş verib, 35 yol, körpü və tunel zədələnib. Hualien və ətraflarında ümumilikdə 125 binaya ziyan dəyib.
Zəlzələdən sonra 100-dən çox yeraltı təkan qeydə alınıb.
