Nigeriyada çobanlarla fermerlər arasında toqquşmada 21 nəfər ölüb
Nigeriyada çobanlarla fermerlər arasında qarşıdurmaların yaşandığı Plato əyalətində baş verən toqquşmada 21 nəfər həyatını itirib.
Mvaghavul Gənclər Hərəkatının sədri Sunday Dankaka jurnalistlərə bildirib ki, çobanlar əyalətin Manqu və Kuru bölgələrində silahlı hücumlar həyata keçiriblər.
Dankaka toqquşmalarda 21 nəfərin həyatını itirdiyini, çox sayda insanın isə yaralandığını qeyd edib.
Hücumlarda bir çox evin külə döndüyünü ifadə edən Dankaka, onlarla insanın evlərini tərk etmək məcburiyyətində qaldığını bildirib.
Yayla əyalətinin Manqu bölgəsində vaxtaşırı çobanlarla fermerlər arasında toqquşmalar baş verir.
Qeyd edək ki, yanvarda Manqu bölgəsində baş verən qarşıdurmalarda aralarında uşaq və qadınların da olduğu azı 90 nəfər həyatını itirib.
Mənbə: AA
