Çinin kosmos stansiyasındakı taikonavt komandası ikinci kosmos yürüşünə çıxıb
Çinin Yer orbitində qurduğu Tienqonq (Səma Sarayı) Kosmik Stansiyasında çalışan "Shincou-18" taikonavt komandası ikinci kosmos yürüşünü həyata keçirib.
Çin İnsanlı Kosmos Proqramı Agentliyinin (CMSA) verdiyi açıqlamaya görə, taikonavtlar Yı Quanqfu və Li Konq stansiyadan kənarda vəzifələrini yerinə yetirərkən, stansiyada qalan Li Quanqsu komandaya daxili dəstək verib.
Təxminən 6,5 saat davam edən kosmosda gəzinti zamanı taykonavt komandası kosmik zibildən qorunma cihazları, kabellər və digər avadanlıqlar quraşdırıb və stansiyanın robot qolunun köməyi ilə maşından kənarda yoxlamalar həyata keçirib.
Bu, stansiyada həyata keçirilən 15-ci kosmos yürüşü və "Shincou-18" taikonavt heyətinin ikinci maşındankənar missiyası olub.
"Shincou-18" taikonavt komandası aprelin 25-də stansiyaya göndərilib. Stansiyada 6 ay çalışacaq komanda kosmos elmi təcrübələri və texniki sınaqlar aparacaq.
