Kosmik səyahətdə inqilab: Marsa gediş-dönüş iki ay cekecek
NASA insanları Marsa göndərmək üçün ən böyük maneələrdən birini həll edə biləcək yeni raket sisteminə 725 min dollar sərmayə qoyub. Bu sistem tətbiq edildikdən sonra Marsa səyahət iki aya qədər azaldıla bilər.
Hazırkı texnologiya ilə Qırmızı Planetə gediş-gəliş təxminən iki il çəkir.
Astronavtlar üçün kosmosda bu qədər çox vaxt keçirmək sağlamlıq üçün böyük risklər yaradır.
Çünki astronavtlar yüksək səviyyədə günəş və kosmik radiasiyaya, sıfır cazibə qüvvəsinin zərərli təsirlərinə və uzun müddətli izolyasiyaya məruz qalmalı olurlar.
Kosmik radiasiya kosmosun tədqiqi üçün ən böyük təhlükədir.
NASA-nın məlumatına görə, kosmosda cəmi 6 ay keçirən astronavtlar, döş qəfəsinin min rentgen şüasına məruz qalan biri ilə təxminən eyni miqdarda radiasiyaya məruz qalırlar.
Bu, onları xərçəng, sinir sisteminin zədələnməsi, sümük əriməsi və ürək xəstəlikləri riski ilə üz-üzə qoyur.
"Howe Industries"in prezidenti Troy Houe "Business Insider"ə bildirib ki, radiasiyaya məruz qalma və digər zərərli sağlamlıq təsirlərini azaltmağın ən yaxşı yolu səyahət vaxtını azaltmaqdır.
Buna görə də o, Marsa gediş-gəlişi iki aya qədər azalda bilən yeni raket sistemi olan "Pulsed Plasma Rocket" (PPR) yaratmaq üçün NASA ilə əməkdaşlıq edbi.
NASA açıqlamasında bu texnologiyanın kosmosun tədqiqində inqilab etmək potensialına malik olduğunu və bir gün insanları Marsdan da uzağa apara biləcəyini bildirib.
PPR çox təsirli şəkildə çoxlu təkan yaratmaq üçün həddindən artıq qızdırılan plazmanın impulslarından istifadə edən bir hərəkət sistemidir.
O, hazırda NASA-nın İnnovativ Qabaqcıl Konseptlər (NIAC) Proqramı tərəfindən maliyyələşdirilən inkişafın ikinci mərhələsindədir.
İkinci faza tədqiqatının bu ay başlaması planlaşdırılır və əsas diqqət mühərrik dizaynının optimallaşdırılmasına, konseptin sübutu təcrübələrinin aparılmasına və Marsa idarə olunan missiyalar üçün PPR ilə təchiz edilmiş qorunan kosmik gəminin dizaynına yönəlib.
PPR-nin böyük üstünlüyü odur ki, o, kosmik gəmini həqiqətən sürətlə hərəkət etdirə bilir. O, həm yüksək itələmə, həm də yüksək xüsusi çəkiyə malikdir. Xüsusi itələmə, raket mühərrikinin nə qədər sürətlə təkan verməsi və kosmik gəmini hərəkətə gətirən qüvvədir. PPR verilmiş 5 min saniyəlik itələmə ilə 10 min nyuton güc istehsal edir.
Bu o deməkdir ki, dörd-altı sərnişini daşıyan PPR ilə təchiz edilmiş kosmik gəmi saatda təxminən 100 min mil sürətlə hərəkət edə bilər.
İkinci mərhələ başa çatdıqdan sonra belə, PPR-in Marsa astronavtları göndərməyə hazır olması təxminən bir neçə oni llik çəkəcək.
Lakin kosmosa uçuşa hazır olduqdan sonra Hou ümid edir ki, texnologiya insan kosmosunun tədqiqi sahəsini əhəmiyyətli dərəcədə genişləndirəcək, bəlkə də bir gün Plutona missiyalara kömək edəcək.
