ABŞ-ın bəzi ştatlarında seçki rəsmilərinə şübhəli paketlər göndərilib
ABŞ-da Federal Təhqiqatlar Bürosu (FTB) və Poçt İdarəsi 17 ştatda seçki rəsmilərinə göndərilən şübhəli paketləri araşdırır.
Federal detektivlər topladıqları paketlərin bəzilərində naməlum maddənin olduğunu, lakin xəsarət alanların olmadığını bildiriblər.
AP xəbər agentliyi bildirib ki, Alyaska, Corciya, Konnektikut, İndiana, Kentukki, Massaçusets, Missuri, Nyu-York, Rod-Aylend, Ayova, Missisipi, Kolorado, Kanzas, Nebraska, Oklahoma, Tennessi və Vayominq ştatlarında seçki rəsmilərinə paketlər göndərilib.
FTB və ABŞ Poçt Xidməti neçə bağlamanın göndərildiyini, onların arxasında kimin olduğunu və motivasiyalarını anlamağa çalışdıqlarını açıqlayıb.
Qurumlar CBS News-a verdiyi açıqlamada, "Məktubların bəzilərində naməlum maddə var idi. Biz hər bir hadisəyə reaksiya vermək və paketləri təhlükəsiz şəkildə toplamaq üçün hüquq-mühafizə orqanları ilə sıx əməkdaşlıq edirik" qeyd edib.
Mənbə: AA
