Almaniyada erkən seçkiləri Xristian Birlik Partiyası qazandı
Almaniyada xalq Bundestaqı və yeni kansleri seçmək üçün səsverməyə gediblər. Xristian İttifaqı (CDU/CSU) partiyaları ümumi seçkiləri 28,6 faizlə qabaqlayıb. Almaniya kansleri və SPD sədri Olaf Şolz seçkilərdəki tarixi məğlubiyyəti etiraf edib və rəqibi Fridrix Mersi təbrik edib.
Almaniya böhranlar şəraitində erkən ümumi seçkilər keçirib.
Almaniya Seçki Şurası ümumi seçkilərin müvəqqəti rəsmi nəticələrini açıqlayıb.
Müvafiq olaraq, Xristian Demokratik Birlik Partiyası (CDU) və onun Bavariya əyalətində təşkil edilən qardaş partiyası Xristian Sosial Birlik Partiyasından (CSU) ibarət olan CDU/CSU seçkiləri 28,6 faiz səslə öndə tamamlayıb.
İfrat sağçı populist “Almaniya üçün Alternativ” (AfD) partiyası əvvəlki seçkilərdən 10,4 bənd çox, 20,8 faiz səslə ikinci yerdədir.
İfrat sağçı “Almaniya üçün Alternativ” partiyası AFD əvvəlki seçkilərlə müqayisədə səslərini az qala iki dəfə artıraraq tarixi qələbə qazanıb.
Baş nazir Olaf Şolz partiyanın Berlindəki qərargahında seçkilərin nəticələri açıqlandıqdan sonra mətbuata açıqlama verib.
Seçkidəki tarixi məğlubiyyətini qəbul edən Şolz rəqibi Fridrix Mersi təbrik edib.
