ABŞ İsrailə 20 mindən çox tüfəng göndərəcək
ABŞ İsrailə 20 mindən çox ABŞ istehsalı olan hücum tüfənginin göndərilməsi qərarını təsdiqləyib.
ABŞ prezidenti Donald Trampın İsrailə hərbi dəstəyi davam edir. Tramp administrasiyası İsrailə 20 mindən çox ABŞ istehsalı olan hücum tüfəngi göndərmək qərarına gəlib.
"Reuters"in məsələ ilə tanış olan mənbəyə istinadən verdiyi xəbərə görə, Dövlət Departamenti martın 6-da Konqresə 24 milyon dollarlıq yardım üçün bildiriş göndərib, son istifadəçinin İsrail Milli Polisi olduğu qeyd edilib. Konqresin 6 mart tarixli bəyannaməsində ABŞ hökumətinin “siyasi, hərbi, iqtisadi, insan haqları və silahlara nəzarət məsələlərini” nəzərə aldığı bildirilib.
ABŞ Dövlət Departamenti administrasiyanın İsraildən silahların istifadəsi ilə bağlı təminat istəyib-istəmədiyi ilə bağlı suala cavab verməyib.
