ABŞ Nümayəndələr Palatası Pit Heqsethin vəzifədən kənarlaşdırılması təşəbbüsünü dayandırıb
ABŞ Nümayəndələr Palatası müdafiə naziri Pit Heqsethin impiçment yolu ilə vəzifədən kənarlaşdırılmasına yönələn təşəbbüsün qarşısını alıb.
AFN.az xəbər verir ki, Respublikaçı konqresmen Tomas Massi tərəfindən təqdim olunan 8 maddəlik impiçment təklifinin irəliləməsinə mane olan qərar Nümayəndələr Palatasında 211-ə qarşı 204 səslə qəbul edilib.
Heqsethi tənqid edən bəzi respublikaçılar da nazirin əməllərinin impiçment üçün tələb olunan ağır cinayətlər və qanun pozuntuları kateqoriyasına daxil olmadığını müdafiə ediblər.
Massi Heqsethi Konqresin icazəsi olmadan müharibə aparmaqda, mülki şəxslərin qorunmasına yönəlmiş tədbirləri zəiflətməkdə və məhkəmə qərarı olmadan edamlar həyata keçirməkdə ittiham etmişdi.
Heqsethin vəzifədən kənarlaşdırılmasını və gələcəkdə federal vəzifə tutmasının qadağan edilməsini tələb edən qanun layihəsində İran, Yəmən, Venesuela və Karib hövzəsində ABŞ-ın hərbi əməliyyatları ilə bağlı ittihamlar yer alırdı.
Layihədə, həmçinin Heqsethin hərbi nəzarət, mülki itkilər və ifadə azadlığı məsələlərinə münasibəti ilə bağlı iddialar əks olunmuşdu.
