11 milyonluq REKORD
Türkiyənin turizm paytaxtı sayılan Antalya bu il xarici turist sayına görə rekord qırıb.
AFN-in Türkiyə mediasına istinadən məlumatına görə, 2019-cu il yanvarın 1-dən sentyabrın 15-dək şəhər 11 milyon 636 min 450 nəfər xarici qonaq qəbul edib.
Antalya Hava Limanının hesabatına əsasən, bu say ötən ilin eyni dövrü ilə müqayisədə 17 faiz artıb. Ən çox turist Rusiya, Almaniya və Ukraynadan daxil olub.
