“Azərkosmos” Türkiyənin iki şirkəti ilə müqavilə imzaladı
"Azərkosmos” ASC və Türkiyənin rəqəmsal televiziya yayım platforması olan "Digiturk” və mobil operatoru olan "Vodafone” şirkətləri ilə əməkdaşlıq müqavilələri imzalayıb.
ASC-dən APA-ya verilən məlumata görə, müqaviləyə əsasən "Digiturk” şirkəti "Azerspace-1” peykinin tutumlarından istifadə etməklə Türkiyədə keçirilən futbol çempionatının oyunlarını yayımlayacaq. Həmçinin, "Vodafone” şirkəti "Azerspace-1” peykinin resursları ilə data xidmətləri təklif edəcək.
2019-cu il ərzində "Türkcell” mobil operatoru və "Azərkosmos” arasında qurulan əməkdaşlıqdan sonra "Digiturk” və "Vodafone” şirkətləri ilə imzalanan müqavilələr region üzrə Azərbaycanın telekommunikasiya peyklərinin effektiv fəaliyyətinin göstəricisidir.
