Çindən Türkiyəyə qayıdan tələbə xəstəxanaya yerləşdirildi
Çindən Türkiyəyə qayıdan tələbə koronavirus şübhəsi ilə karantinə alınıb.
“Report” NTV-yə istinadən xəbər verir ki, 22 yaşlı tələbə təhsil aldığı Çindən yanvarın 30-da Türkiyənin Mersin şəhərinə qayıdıb.
Daha sonra həmin şəxs yüksək hərarət və boğaz ağrısı şikayəti ilə Mersin Universiteti Tibb Fakültəsi Xəstəxanasına müraciət edib.
Karantin altına alınan tələbənin analizləri Ankaraya göndərilib.
Onun səhhətinin yaxşı olduğu bildirilir.
