Rusiyadan Türkiyənin 33 şəhid verdiyi hücumla bağlı ilk açıqlama
Rusiya İdlibdə 33 türk əsgərinin şəhid olması ilə bağlı açıqlama yayıb.
Sfera.az xəbər verir ki, Rusiya Müdafiə Nazirliyindən verilən açıqlamada hava hücumu zamanı Rusiya təyyarələrinin iştirak etmədiyi qeyd edilib. Rəsmi açıqlamada bildirilib ki, Rusiya tərəfi atəşkəsin davam etdirilməsi üçün əlindən gələni edib.
Qeyd edək ki, ötən gün axşam saatlarında Türkiyə Silahlı Qüvvələrinin hərbi konvoyuna edilən hava hücumu nəticəsin 33 türk əsgəri şəhid olub. Hücumdan dərhal sonra diqqətlər Rusiyaya yönəldi. Rusiya tərəfi isə hücum haqqında ilk açıqlamasında "Türkiyə əsgərləri Əsəd rejimi qırıcıları tərəfindən vuruldu” deyib.
