İtaliyada növbəti mövsümün başlama vaxtı məlum oldu
İtaliya futbolunda 2020/2021 mövsümü sentyabrın 1-də start götürəcək.
"Report"un İtaliya Futbol Federasiyasının (FIGC) rəsmi saytına istinadən məlumatına görə, bu barədə qərar FIGC-in Federal Şurasının telekonfrans formatında iclasında verilib. Həmin qərara əsasən, A, B və C seriyaları avqustun 20-dək yekunlaşmalı, növbəti mövsüm isə sentyabrın 1-də başlamalıdır.
Çempionatların bərpasınadək Federal Şura qeyri-münasib epidemioloji situasiya şəraitində yarışların keçirilmə formatını və dayandırılmasının mümkünlüyünü razılaşdıracaq.
Qeyd edək ki, daha əvvəl İtaliyada kütləvi tədbirlərin təşkilinə qadağa iyunun 14-dək uzadılıb.
