ABŞ-ın Nyu York şəhərindən Azərbaycana çarter reysləri həyata keçiriləcək
İyunun 10-da ABŞ-ın Nyu York şəhərindən Azərbaycana çarter reysləri həyata keçiriləcək.
Çarter reyslərindən təkcə tələbələr deyil, həmçinin koronavirus pandemiyasına görə Azərbaycana qayıda bilməyən vətəndaşlarımız istifadə edə biləcək.
Uçuşlar Azərbaycanın ABŞ-dakı səfirliyinin təşkilatçılığı ilə baş tutacaq.
Nyu York-Bakı reyslərinin bərpası haqqında isə hələ ki, dəqiq məlumat yoxdur. Daha ətraflı məlumat səfirlik tərəfindən veriləcək.
Xatırladaq ki, Nyu Yorkdan Bakıya sonuncu çarter reysi mart ayında həyata keçirilib.
