Türkiyə və Rusiya Baş Qərargah rəisləri telefonla danışıb
Türkiyə Silahlı Qüvvələri Baş Qərargahının rəisi ordu generalı Yaşar Gülərlə Rusiya Silahlı Qüvvələri Baş Qərargahının rəisi general Valeri Gerasimov arasında telefon danışığı olub.
“Report” “Ahaber”ə istinadən xəbər verir ki, məlumatı Türkiyə Silahlı Qüvvələri Baş Qərargahı yayıb.
Baş Qərargah rəisləri Suriya və Liviyadakı vəziyyəti müzakirə ediblər.
Qeyd edək ki, bir müddət əvvəl Rusiya tərəfi Türkiyə ilə Liviyada atəşkəsə nail olmaq istədiklərini bildirmişdi.
