Bakıda bələdiyyə sədri koronavirusdan öldü
![](https://static.report.az/photo/df036070-3ff3-3a86-b79b-93a942c4be98_850.jpg)
Binəqədi rayonu Biləcəri bələdiyyəsinin sədri İlham Xəlilov koronavirusdan vəfat edib.
"Report"un əldə etdiyi məlumata görə, İ.Xəlilov bu gün 62 yaşında dünyasını dəyişib.
Qeyd edək ki, Xəlilov İlham Məmməd oğlu 6 yanvar 1958-ci ildə Şəmkir rayonunda anadan olub. 2004-cü ildə keçirilən seçkilərdə Biləcəri bələdiyyəsinə üzv seçilib, 2005-ci ildən 2015-ci ilədək Biləcəri bələdiyyəsinin sədri olub və 4 oktyabr 2018-ci il tarixdə Biləcəri bələdiyyəsinin ümumi iclasının qərarı ilə yenidən bələdiyyə sədri seçilib.