Moskvada rüşvət almaqda şübhəli bilinən müstəntiq və vəkil tutulub
“Report” TASS-a istinadən xəbər verir ki, məlumatı yerli hüquq-mühafizə orqanları yayıb.
Bildirilib ki, polis müstəntiqi və Moskva Vəkillər Palatasının vəkii Tatyana Preminina “Svoya apteka” barəsində başlayan cinayət işinin dayandırılması üçün müəssisənin rəhbərliyindən 5 mln rubl (68 530 ABŞ dolları) rüşvət tələb ediblər. Müəssisə güclü təsir edən və ya zəhərli maddələrin qanunsuz dövriyyəsi ilə məşğul olmaqda ittiham edilir.
Vəkil 1 mln rublu, müstəntiq isə 2 mln rublu alarkən hüquq-mühafizə orqanlarının əməkdaşları tərəfindən tutulublar.
