ABŞ-da istirahət parkında atışma: 1 nəfər ölüb, 3 nəfər yaralanıb
ABŞ-ın Alabama ştatının Birmingem şəhərindəki atışma nəticəsində 1 nəfər ölüb, 3 nəfər yaralanıb.
“Report” “RİA Novosti”yə istinadən xəbər verir ki, bunu yerli polis idarəsindən bildirilib.
Məlumata görə, hadisə aprelin 5-də gecə saatlarında baş verib. Atışma istirahət parkında iki kişinin mübahisəsindən sonra olub. Atışma zamanı parkda yüzlərlə adam olub.
Hadisə nəticəsində bir qadın ölüb, 3 qadın yaralanaraq hospitala yerləşdirilib. Yaralıların vəziyyətinin ağır olduğu bildirilib.
