Gürcü spiker: “Qarabağ müharibəsi bölgənin geosiyasi mənzərəsini kökündən dəyişib”
“Qarabağ müharibəsi bölgədə mövcud geosiyasi mənzərəni kökündən dəyişib”.
“Report”un yerli bürosu xəbər verir ki, bunu Gürcüstan parlamentin sədri Arçil Talakvadze Ermənistan prezidenti Armen Sarkisyanla görüşdə deyib.
Spiker uzunmüddətli sabitliyin qurulması prosesində sülh danışıqlarının önəmini vurğulayıb.
Görüşdə regionda baş verən son hadisələrlə yanaşı Gürcüstan və Ermənistan arasında iqtisadiyyat, turizm və mədəniyyət sahələrində və parlamentlərarası əməkdaşlıq məsələləri də müzakirə olunub.
