Goranboyda kişi qohumunu güllələdi
Goranboy rayonunda 58 yaşlı kişi güllələnib.
“Qafqazinfo” xəbər verir ki, hadisə bu gün rayonun Nizami kəndində baş verib.
Kənd sakini, 1963-cü il təvəllüdlü İbrahimov Məharət Fərman oğlunu qohumu tüfənglə güllələyib. Bir güllə yarası alan M.İbrahimov xəstəxanaya yerləşdirilib.
M.İbrahimovu güllələməkdə şübhəli bilinən kürəkəni, 1958-ci il təvəllüdlü Rahib Hacıyev saxlanılıb. Məlumata görə, mübahisə zamanı M.İbrahimov əlində ağacla onun üstünə hücum edib. R.Hacıyev də onu qorxutmaq üçün havaya atəş açsa da, qırmalar M.İbrahimova xəsarət yetirib.
