Britaniya səfiri: "Tofiq Bəhramov olan yerdə VAR nəyə lazımdır?!"
Böyük Britaniyanın Azərbaycandakı səfiri Ceyms Şarp Almaniya və İngiltərə yığmaları arasında Avropa çempionatının 1/4 mərhələsinin oyunundan əvvəl maraqlı paylaşım edib.
Səfir Londondakı "Uembli" stadionunda keçiriləcək matçı izləməyi səbrsizliklə gözlədiyini bildirib. Şarp "Tofiq Bəhramov olan yerdə VAR nəyə lazımdır?!" yazıb.
Xatırladaq ki, bu gün keçiriləcək İngiltərə - Almaniya qarşılaşması Bakı vaxtı ilə saat 20:00-da start götürəcək.
