DÇ-2022: Ronaldu Azərbaycan millisi ilə oyuna çağırılıb
Futbol üzrə Portuqaliya yığmasının 2022-ci il dünya çempionatının seçmə mərhələsində İrlandiya, Azərbaycan və Qətərlə yoldaşlı oyunları üçün heyəti bəlli olub.
"Report"un məlumatına görə, baş məşqçi Fernandu Santuş heyətə 25 oyunçu daxil edib.
Onların arasında İtaliyanın "Yuventus" klubunda çıxış edən Kriştianu Ronaldu da var.
Qeyd edək ki, sentyabrın 7-də Bakı Olimpiya Stadionunda keçiriləcək Azərbaycan – Portuqaliya görüşü saat 20:00-da başlayacaq.
