Bu gün "Beşiktaş"-"Qalatasaray" qarşılaşması olacaq
![](/uploads/posts/2021-10/1635147909_806x378-besiktas-galatasaray-derbisi-ne-zaman-2021-super-lig-1-hafta-bjk-gs-maci-saat-kacta-hangi-kanalda-1634909852690.jpg)
Bu gün futbol üzrə Türkiyə Super Liqasında mövsümün ilk İstanbul derbisi keçiriləcək.
X tura təsadüf edən matçda "Beşiktaş"-"Qalatasaray" qarşılaşması baş tutacaq. "Vodofon Park" stadionunda oynanılacaq qarşılaşma Bakı vaxtı ilə saat 21:00-da başlayacaq. Hazırda hər iki komandanın 17 xalı var. "Beşiktaş" 6-cı, "Qalatasaray" 8-ci pillədə qərarlaşıb.
97 illik rəqabətdə 349 matçın 123-nü "sarı-qırmızılar", 112-ni "ağ-qaralar" qazanıb. 114 görüşdə isə heç-heçə qeydə alınıb. Qolların nisbətində də "Cim-Bom"un üstünlüyü var - 487:456.
"Beşiktaş" 2016-cı ildə istifadəyə verilmiş "Vodofon Park"da rəqibinə məğlub olmayıb. Arenadakı ilk derbi 2:2 hesablı heç-heçə ilə yekunlaşıbsa, digərlərində "ağ-qaralar" meydanı 3 xalla tərk edib.
Komandalar arasındakı son 10 oyunda "Beşiktaş" üstünlüyə malikdir. "Qara qartallar" 5 dəfə qələbə qazanıbsa, 3 görüşdə məğlub olub, 2 qarşılaşma bərabəliklə başa çatıb.