Azərbaycan və Ermənistan dəmir yolları ilə bağlı konsensusa yaxınlaşıb
Regional kommunikasiyanın blokadadan çıxarılması üzrə Azərbaycan, Rusiya və Ermənistan baş nazirlərinin müavinlərindən ibarət işçi qrupu istismarına başlanılması nəzərdə tutulan dəmir yollarının xəritəsi üzrə konsensusa yaxınlaşa bilib.
Bunu Ermənistan baş nazirinin müavini Mqer Qriqoryan parlamentdə bildirib. Onun sözlərinə görə, tərəflər magistral yol xəritəsi ilə bağlı məsləhətləşmələri hələ də davam etdirirlər.
“Avtomobil yollarına gəlincə, bu məsələ ilə bağlı hələlik konsensusumuz yoxdur. Magistral yollarla bağlı çoxlu təkliflər var, amma hələ də ümumi konsensus və ya ümumi yanaşma yoxdur. Deyə bilmərik ki, hazır yol xəritəmiz var. Dəmir yolları ilə bağlı daha yaxın yanaşmalar və fikirlər var. Orada məsələlər daha aydındır”, - deyə Qriqoryan qeyd edib.
