Ali məktəblərə qəbul imtahanlarının vaxtı mediaya ötürüldü - FOTO
Sosial şəbəkələrdə Dövlət İmtahan Mərkəzi tərəfindən 2022-ci ildə keçirilməsi nəzərdə tutulan imtahanların təqvimi yayılıb.
Cədvəlin yayılması bir sıra müzakirələrə səbəb olub. Ən çox müzakirə olunan isə bu məlumatın mətbuata necə yol tapması və builki buraxılış imtahanlarının mart və aprel ayında keçirilməsidir.
Təhsil eksperti Kamran Əsədov təqvimin hansısa dövlət qurumu tərəfindən mətbuata sızdırıldığını bildirib: “Çox təəssüflər olsun ki, 2022-ci ildə keçirilməsi nəzərdə tutulan imtahanların təqvimi yenə də açıq şəkildə paylaşılıb. Bəli, bu, yaxın günlərdə açıqlanacaqdı. Amma hansısa dövlət qurumu məxfilik qaydalarına əməl etməyərək, bunu paylaşıb”.
Dövlət İmtahan Mərkəzindən saytımıza yayılan qrafiklə əlaqədar açıqlama veriləcəyi bildirilib.
