Naqif Həmzəyev və Cavid Osmanov YAP-dakı postlarını itirdilər - nə baş verir?
Xəbər verildiyi kimi, Yeni Azərbaycan Partiyasının (YAP) bir neçə rayon və şəhər təşkilatına yeni sədrlər təyin olunub.
Bu barədə qərar YAP İdarə Heyətinin bu gün keçirilən iclasında qəbul edilib. AFN.az yeni və köhnə siyahılara istinadən xəbər verir ki, əvvəllər partiya təşkilatının sədri olan bəzi deputatlar postlarını itiriblər. Bunlar hakim partiyanın Gəncə şəhər təşkilatının sədri deputat Naqif Həmzəyev və Ağdaş rayon təşkilatının sədri deputat Cavid Osmanovdur. Onları müvafiq olaraq Ramil Orucov və Əlişah Rəcəbov əvəzləyib.
