BƏƏ Ukrayna ilə vizasız gediş-gəlişi dayandırıb
Martın 1-dən Birləşmiş Ərəb Əmirlikləri Ukrayna ilə vizasız gediş-gəlişi müvəqqəti olaraq dayandırır.
AFN.az UNİAN-a istinadən xəbər verir ki, bu barədə Ukraynanın BƏƏ-dəki səfirliyindən məlumat verilib.
Bu gündən xaricə səyahət etmək üçün Ukrayna vətəndaşları BƏƏ-yə səfər etmək üçün müvafiq viza almalıdırlar. Eyni zamanda, Anlaşma Memorandumunun müvəqqəti dayandırılması artıq BƏƏ ərazisində olan Ukrayna vətəndaşlarına şamil edilmir.
“BƏƏ-yə turizm məqsədi ilə gələn və Rusiya Federasiyasının silahlı təcavüzünün başlaması ilə əlaqədar Ukraynaya qayıda bilməyən Ukrayna vətəndaşları ilə bağlı səfirlik əlavə məlumat verəcək”, - məlumatda deyilir.
