Rusiya Ukraynaya kömək edən ölkələri hədələdi
Rusiya Xarici İşlər Nazirliyinin sözçüsü Mariya Zaxarova ABŞ-la münasibətlərin hazırkı mərhələsindən danışıb.
O, bu barədə “Solovyov Live” verilişinin efirində aparıcının sualını cavablandırıb.
“Hazırda bizim müəyyən məsələlərlə bağlı ABŞ-la problemlərimiz var. Rəsmi Moskva Vaşinqtonla fəal danışıqlar aparmır”, – XİN rəsmisi deyib.
M.Zaxarova həmçinin Ukraynaya muzdlu qoşun və silah göndərən ölkələrə xəbərdarlıq edib: “Ukraynaya silah və qoşun göndərilməsi bu ölkənin dünyadakı səfirlikləri vasitəsilə baş tutur. Həmin ölkələr öz əlləri ilə özlərinə təhlükə yaradırlar. Bu, bütün dünya dövlətlərinə aiddir”. (Yenicag.az)
