2022-ci ilin büdcə dəyişikliyi ən çox məmurlara düşdü - ekspert
Büdcə xərclərinin 2.4 mlrd. manat artımı ilə yanaşı xərclərin strukturunda da təxminən 500 mln. manatlıq dəyişiklik aparılır.
AFN.az xəbər verir ki, bu haqda iqtisadçı ekspert Rövşən Ağayev yazıb. O bildirib ki, bu dəyişikliklər nəticəsində əmək ödənişi xərcləri mərkəzi idarəetmə və hüquq-mühafizə orqanları üzrə orta hesabla 25%, yerli icra hakmiyyəti orqanları üzrə 45%-ə yaxın artır: "Büdcə dəyişiklikləri sənədi çox usta hazırlanıb - oxuyursan, labirintə düşürsən. Gərək yüzlərlə rəqəmi tutuşdurub bir çox dəyişikliklərin necə və harda baş verdiyini görə biləsən. Halbuki bu əziyyətdən qurtulmaq üçün şəffaf və detallı bir izahat yetərlidir."
