İrəvanda "Sürməli" ticarət mərkəzi niyə partlayıb və onun məşhur sahibi kimdir? - VİDEO
Araşdırmalara görə, İrəvanın "Sürməli” ticarət mərkəzində baş vermiş partlayış nəticəsində ümumi sahəsi 3500 kv.m olan ikimərtəbəli tikili dağılıb:
Qaynarinfo xəbər verir ki, bu barədə Sputnik Ermənistan-ın materialında deyilir. Sayt bazarda mövcud olmuş çatışmazlırları sadalayıb:
- avtomatik yanğınsöndürmə sistemi və karbonmonoksitdən qorunma sistemi ilə təchiz edilməyib;
- ictimai iaşə obyektlərində avtomatik yanğın siqnalizasiya sistemləri olmayıb və olanlar isə xarab olub;
- binalarda yanğınsöndürənlər olmayıb;
- qapılar çölə açılan olmayıb;
- yanğın təhlükəli materialları olan damlarda izolyasiya olunmamış elektrik naqilləri çəkilib;
- tikinti materialları alov gecikdirici ilə örtülməyib;
- köşk və pavilyonlar binadan 8 metrdən az məsafədə yerləşib;
- xarici yanğınsöndürmə üçün nəzərdə tutulmuş obyektlərin ərazisində yanğın hovuzu olmayıb;
- binalarda daxili yanğınsöndürmə su şəbəkəsi olan yanğın hidrantları olmayıb.
Bütün bunlar nə "Sürməli”də işləyən tacirlərin, nə də bura baş çəkən minlərlə vətəndaşın bilmədiyi və bilməsi tələb olunmayan yanğınsöndürmə qaydalarının pozulmasıdır.
Amma ən azı il yarım bundan əvvəl vətəndaşların yanğın təhlükəsizliyinə cavabdeh olan strukturun əməkdaşları bütün bunlardan xəbər tutmuşdular. Onlar bilib, protokol tərtib edib, cərimə yazıb və unudublar.
Və yalnız bu gün xatırladılar ki, bütün bu qanun pozuntularına görə baş verən və indiyə qədər sönməyən yanğın artıq insan həyatına son qoyub, taleləri şikəst edib, insanları işdən, gəlirdən məhrum edib.
Partlayışdan sonra Ermənistanın şəhərsalma, texniki və yanğın təhlükəsizliyi üzrə müfəttişlik orqanı bütün bu pozuntuların hələ 2021-ci ilin martında onların müfəttişləri tərəfindən qeydə alındığını bəyan etməyə tələsib. Qanun pozuntuları müəyyən edilib, onlar cərimələnib və aradan qaldırılması barədə göstəriş verilib. Amma 1,5 ilə yaxın vaxt keçib və onları aradan qaldırıb-qaldırmadıqlarını bir daha yoxlamağa vaxtları olmayıb. Baxmayaraq ki, İnzibati Xətalar Məcəlləsində "inzibati məsuliyyətə cəlb edildikdən sonra bir il ərzində təkrar pozuntulara yol verildikdə” təkrar cərimə tətbiq edilir.
SA "Sürməli” ərazisində kirayə haqqının məbləğini də araşdırıb:
Sahəsi 10 kvadratmetr olan pavilyonun qiyməti 40 000 dramdır – 168 manat (ticarət mərkəzinin Facebook səhifəsində verilən elana görə).
Eyni zamanda uçan ikimərtəbəli "Sürməli”nin təkcə 3500 kv.m sahəsi olub.
Üstəlik, ticarət mərkəzinin sahibi – "Yerevan Konserv Zavodu” Ermənistanın 1000 iri vergi ödəyicisi siyahısında 288-ci yerdədir. Bu ilin birinci rübündə o, büdcəyə 421,6 milyon dram köçürüb.
Sputnik Ermənistan-ın müxbiri təftiş qurumunun mətbuat katibindən bir il sonra yoxlamanın niyə hələ də aparılmadığını soruşub. Məlum olur ki, sahibkar "şirkətdə çoxlu ticarət obyektlərinin və iaşə obyektlərinin olmasını nəzərə alaraq” pozuntuların aradan qaldırılması üçün vaxt istəyib.
Bundan əlavə, təftiş orqanında çoxlu yoxlamalar var və onlar hamısını çatdırmırlar.
"Sürməli”nin sahibi haqqında nə məlumdur?
Bugünkü ticarət mərkəzinin sahibi keçmiş "İrəvan Konserv Zavodu”, daha dəqiq desək, zavodun sonuncu direktorudur.
SSRİ-nin dağılmasından sonra zavod da bir çox digər istehsal sahələri kimi özəlləşdirilib.
Zavodun direktoru Razmik Zaxaryan obyektin yeni sahibi olub.
1936-cı il aprelin 27-də anadan olub. O, Sov.İKP üzvü olub. Kamo (indiki Qavar) şəhərində ət kombinatının direktoru işləyib, Kamo şəhəri rayon sovetinin deputatı seçilib. "İrəvan konserv zavodu”nun direktoru işləyib. 1991-ci ildə o, birinci çağırış Ermənistan Ali Sovetinin deputatı, Hanrapetutyun deputat qrupunun üzvü olub.
Ermənistanın hüquqi şəxslərin dövlət reyestrinə əsasən, 1996-cı il yanvarın 31-də konserv zavodu Yerevan Konserv Zavodu ASC kimi qeydiyyatdan keçib, 2005-ci il iyulun 11-də isə qapalı səhmdar cəmiyyətə çevrilib və bu günə kimi bu statusda fəaliyyət göstərir. Yeganə fərq odur ki, zavodun istehsal sahələrinin yerində yeni sahibi Malatiya kimi ən adi yarmarka və ya Hrazdan stadionunda, Firdusi, Qnuni küçəsi və digər yerlərdə bazarlar açıb. Onların bəziləri bu gün də fəaliyyətdədir və yəqin ki, yoxlama orqanları tərəfindən yoxlanılır.
Sputnik sual qoyur: "Sürməli”nin taleyi oralarda da təkrarlanmayacaq ki?
