Bakıda iki avtomobil toqquşub, ölən var
Bakıda ölümlə nəticələnən yol qəzası olub.
AFN xəbər verir ki, hadisə Qaradağ rayonu, Xocəsən qəsəbəsində qeydə alınıb.
Qəbələ rayon sakini, 1994-cü il təvəllüdlü Anar Səlimovun idarə etdiyi “Nissan” dönmə əməliyyatını yerinə yetirərkən Abşeron rayon sakini, 1961-ci il təvəllüdlü Muradalı Manafovun idarə etdiyi “Zaporojets” markalı avtomobillə toqquşub. Nəticədə ağır xəsarətlər alan Muradalı Manafov xəstəxanaya daxil olub. Həkimlərin səyinə baxmayaraq, o, xəstəxanada ölüb.
Faktla bağlı araşdırma aparılır.
