Putin nüvə silahından istifadə edib-etməyəcəyini Ərdoğana açıqladı
“Rusiya Prezidenti Vladimir Putin türkiyəli həmkarı Rəcəb Tayyib Ərdoğanla telefon danışığı zamanı Rusiya tərəfinin Ukraynada nüvə silahından istifadə etmək planının olmadığı barədə Türkiyəni məlumatlandırıb”.
AFN.az “TRT”-yə istinadən xəbər verir ki, bunu Türkiyə Prezidentinin sözçüsü İbrahim Kalın deyib.
Onun sözlərinə görə, Ukrayna tərəfi isə, öz növbəsində “çirkli bomba”dan istifadə etməyə hazırlaşdığına dair iddiaları təkzib edib.
Kalın, həmçinin qeyd edib ki, Türkiyə tərəflərə münaqişənin dinc yolla həlli üzrə danışıqlara geri dönməyi təklif etmək niyyətindədir.
Xatırladaq ki, noyabrın 1-i Ərdoğanla Putin arasında telefon danışığı baş tutub.
