Məclisə girib masaları çevirdilər - Bakıda toyda insident
Bakının Binə qəsəbəsində yerləşən şadlıq sarayında keçirilən toy mərasimində insident baş verib.
AFN xəbər verir ki, hadisə noyabrın 19-u axşam 22 radələrində qeydə alınıb.
Qəsəbədəki şadlıq evində keçirilən toy zamanı 2 nəfər mərasimə müdaxilə edib. Belə ki, 1995-ci il təvəllüdlü V.Abdullayev və həmyaşıdı N.Quliyev masaları çevirərək qab-qacaqları sındırmağa başlayıblar. Onların bu əməlindən sonra toy vaxtından əvvəl başa çatdırılıb.
Şadlıq evinin sahibi, 1971-ci il təvəllüdlü X.Baxşıyev baş vermiş hadisə və ona dəymiş ziyanla bağlı ərazi üzrə polis şöbəsinə müraciət edib.
Müraciətlə bağlı araşdırma aparılır.
