İlon Mask ABŞ-dakı prezident seçkilərində De Santisi dəstəklədi
Florida qubernatoru Ron De Santis ABŞ Respublikaçılar Partiyasında nəinki yüksələn ulduz, həm də 2024-cü ildə prezidentliyə potensial namizəd hesab olunur.
De Santis kifayət qədər təvazökar və siyasi cəhətdən balanslaşdırılmış mövqeyə malikdir, işçiləri ilə əlaqəli olmayan mövzularda az danışır. Üstəlik, qubernator keçmiş prezident Tramp və başqalarının ona qarşı ittihamlarına cavab vermir. O, siyasi spekulyasiya və intriqalara qarışmamağa çalışır. Lakin dünən qubernator öz prinsiplərini pozaraq kifayət qədər sərt və qlobal siyasi bəyanatlar verib.
AFN.az xəbər verir ki, “Tesla”,“SpaceX” və “Twitter” şirkətlərinin sahibi İlon Mask da 2024-cü il prezident seçkilərində De Santisi dəstəkləyəcəyini elan edib. Bundan sonra nüfuzlu respublikaçı “Apple” şirkəti ilə münaqişədə İlon Maska dəstək verib.
De Santisin fikrincə, “Apple” korporasiyası Çin Kommunist Partiyasının maraqlarına xidmət edir və öz inhisar gücündən sui-istifadə edərək ABŞ-da söz azadlığını boğmağa çalışır. Xüsusilə də Musk bu yaxınlarda bildirib ki, “Apple” “Twitter”dən reklamları silir və tətbiqi “Appstore”dan silə bilər. De Santis bunu söz azadlığının məhdudlaşdırılması hesab edir və onun fikrincə, “Twitter” bu baxımdan yaxşıya doğru dəyişir.
Təbii ki, proqnoz vermək hələ tez olsa da ən nüfuzlu və perspektivli respublikaçı fiqur kimi De Santisə ictimai dəstək göstəricisi kifayət qədər yüksəkdir. Onun nüfuzu hazırda bəzi sorğulara görə Trampın reytinqinə bərabərdir.
M.Vahidli
