Rumıniya hökuməti Buxarestdəki “Rusiya evi”ni bağlayıb
Rumıniya hökuməti paytaxt Buxarestdə “Rusiya evi” kimi fəaliyyət göstərən Rusiya Mədəniyyət və Elm Mərkəzini bağlayıb.
“Report” TASS-a istinadən xəbər verir ki, bu barədə Rumıniyanın Xarici İşlər Nazirliyindən bildirilib.
Moskvanın Buxarestdəki səfiri Valeriy Kuzmin fevralın 21-də Rumıniya XİN-ə çağırılıb. Diplomat qərarla bağlı məlumatlandırılıb.
Nazirlikdən qeyd olunub ki, mərkəz reallığın və tarixi həqiqətin Rumıniya ictimai rəyi səviyyəsində təhrif edilməsinə yönəlmiş fəaliyyətlə məşğul olub.
XİN-in məlumatına görə, Rusiya Ukraynaya hərbi müdaxilə edəndən sonra mərkəzin bu istiqamətdə fəaliyyəti intensivləşib.
