Aİ Şurası Belarusa qarşı sanksiyaları bir il müddətinə uzadıb
Avropa İttifaqı Şurası Belarusa qarşı məhdudlaşdırıcı tədbirlərin bir il müddətinə uzadılması barədə qərar qəbul edib.
AFN.az xarici mediaya istinadən xəbər verir ki, qərar Belarusun Rusiyanın Ukraynaya qarşı müharibəsində iştirakının davam etməsi və bir sıra digər amillər nəzərə alınaraq qəbul edilib.
28 fevral 2024-cü il tarixinə qədər tətbiq olunacaq məhdudlaşdırıcı tədbirlər Aİ-yə səyahət qadağası və siyahıya alınmış fiziki və hüquqi şəxslərin aktivlərinin dondurulmasından ibarətdir. Bu siyahıya hazırda Belarus prezidenti Aleksandr Lukaşenko da daxil olmaqla 195 nəfər və 34 təşkilat daxildir. Belarus həmçinin maliyyə sektoru, ticarət, ikili təyinatlı mallar, texnologiya və telekommunikasiya, enerji, nəqliyyat və digər sektorlarda məhdudiyyətlər də daxil olmaqla, məqsədyönlü iqtisadi sanksiyalar tətbiq etməkdə davam edir.
