ABŞ müdafiə naziri İraqa qəfil səfər edib
ABŞ-ın müdafiə naziri Lloyd Ostin İraqa elan olunmamış qəfil səfər edib.
AFN.az-ın xarici KİV-ə istinadən verdiyi xəbərə görə, Pentaqon rəhbərinin Bağdadda İraqın Baş naziri Məhəmməd əl-Sudani ilə danışıqlar aparmaq üçün bu ölkəyə səfər etdiyi bildirilir. Pentaqon rəhbərinin Ərbil şəhərinə səfəri və burada İraqın şimalındakı kürd muxtar bölgəsinin rəhbərliyi ilə görüşü gözlənilir.
Lloyd Ostinin Yaxın Şərq səfəri martın 5-də İordaniyadan başlayıb. İraqdan sonra onun Misir və İsrailə də getməsi də planlaşdırılır.
