ABŞ Polşada ilk hərbi qarnizonunu açdı
ABŞ-ın Polşada ilk daimi hərbi qarnizonu açılıb.
AFN.az xarici mediaya istinadən xəbər verir ki, bununla da ABŞ-ın Avropadakı daimi bazalarının sayı 8-ə yüksəlib.
ABŞ-ın Polşa torpaqlarında ilk daimi hərbi qarnizonu olan Camp Kosciuszko Poznan şəhərində mərasimlə fəaliyyətə başlayıb. Polşa hakimiyyətinin uzun illər öz ölkələrində hərbi baza yaratmaq səylərindən sonra iki ölkənin hərbi rəsmiləri və Polşanın milli müdafiə naziri Mariuş Blaşçak qarnizon səviyyəsində ilk daimi hərbi hissənin açılış mərasimində iştirak ediblər.
Blaşçak çıxışında bunu həm Polşa tarixində, həm də Polşa-ABŞ münasibətləri tarixində mühüm hadisə adlandırıb. "Belə bir zamanda ABŞ ordularının ölkəmizdə daimi olmasını yüksək qiymətləndiririk" - deyə o, bildirib. .
Belçika, Almaniya və İtaliyadan başqa, 13 hərbi məmur və 140 mülki işçi indi ABŞ-ın Avropadakı 8-ci daimi qarnizonunda və Polşadakı ilk daimi qarnizonunda xidmət edəcək. Polşa rəsmiləri mümkün Rusiya təhlükəsi qarşısında uzun illər ABŞ-dan öz ölkələrində daimi hərbi baza yaratmağı tələb edirdilər.
ABŞ-ın bölgədəki ən mühüm müttəfiqlərindən biri olan Polşa, son illərdə Abrams tankları, HIMARS reaktiv yaylım atəş sistemləri və F-35 döyüş təyyarələri də daxil olmaqla, ABŞ ilə on milyardlarla dollarlıq silah müqaviləsi imzalayıb.
