Çin və Fransa Ukraynadakı nüvə obyektləri məsələsində razılığa gəliblər
Çin və Fransa Beynəlxalq Atom Enerjisi Agentliyinin (MAQATE) Ukraynadakı hərəkətlərini dəstəklədiklərini və mülki nüvə obyektlərinə hücumların yolverilməzliyini bəyan ediblər.
AFN.az xəbər verir ki, bu barədə Çinin Sinxua xəbər agentliyi dövlət başçılarının görüşünün yekunlarına dair birgə bəyanata istinadən məlumat yayıb. "Hər iki tərəf atom elektrik stansiyalarına və digər dinc nüvə obyektlərinə silahlı hücumlara qarşıdır və MAQATE-ni dinc nüvə obyektlərinin qorunmasında, o cümlədən Zaporojye Atom Elektrik Stansiyasının təhlükəsizliyini təmin etmək səylərində konstruktiv rol oynamasını dəstəkləyir" - deyə məlumatda qeyd edilir.
Xatırladaq ki, Fransa prezidenti Emmanuel Makron aprelin 5-də Çinə dövlət səfərinə gəlib. Ölkələrin liderləri arasında aparılan danışıqlardan sonra Çin sədri Si Cinpin bildirib ki, Pekin və Paris qarşılıqlı şəkildə bir-birini dəstəkləyəcək və qlobal idarəçiliyi birlikdə optimallaşdıracaq. O, həmçinin Ukrayna üzrə sülh danışıqlarının tezliklə bərpasına çağırıb.
Bir müddət əvvəl isə MAQATE-nin baş direktoru Rafael Qrossi Kalininqrada səfər edib və burada Rusiya departamentlərinin nümayəndələri ilə görüşüb. Səfərdən sonra o, ZNPP ətrafında qoruyucu zonanın yaradılmasına yardım etmək üçün səylərini artıracağını bəyan edib. Yaxınlıqdakı ərazilərin davamlı olaraq ağır silahlardan atəşə tutulması səbəbindən AES ətrafında vəziyyət gərgin olaraq qalır.
