Çexiya Moskva və Bütün Rusiyanın Patriarxı Kirilə qarşı sanksiyalar tətbiq edib
Çexiya hökuməti Moskva və Bütün Rusiyanın patriarxı Kirillə qarşı sanksiyalar tətbiq edib.
AFN.az aktualne.сz-ə istinadən xəbər verir ki, o, ölkənin milli sanksiyalar siyahısına daxil edilən ilk rusiyalı olub.
Xarici işlər naziri Yan Lipavski patriarxın sanksiya siyahısına salınmasını şərh edərkən bildirib ki, o, öz moizələri və ictimai çıxışları ilə Rusiyanın Ukraynaya təcavüzünü əsaslandırıb. Bundan əlavə, nazir Rus Pravoslav Kilsəsinin rəhbərinin artıq Böyük Britaniya, Kanada, Litva və Ukraynanın sanksiya siyahısında olduğunu və Çexiyanın bu ölkələrin qərarlarına arxalandığını xatırladıb.
Çexiya sanksiyaları ölkəyə girişin qadağan edilməsini və hər hansı əmlakın dondurulmasını nəzərdə tutur. Çex Maliyyə Təhlili Təşkilatı (FAÚ) tədbirlərin həyata keçirilməsinə cavabdehdir. Rus Pravoslav Kilsəsi patriarxa qarşı sanksiyaları Ukraynada vəziyyəti gərginləşdirmək və sülhün əldə olunmasını gecikdirmək cəhdi hesab edir.
