Ukraynanın NATO-ya üzvlüyü ilə bağlı qərar kollektiv şəkildə veriləcək - Dövlət Departamenti
Amerika Birləşmiş Ştatları NATO-nun açıq qapı siyasətini dəstəkləyir.
AFN.az xəbər verir ki, bunu ABŞ Dövlət Departamentinin sözçüsü Vedant Patel Fransanın "Le Monde" qəzetində Amerika Birləşmiş Ştatlarının Ukraynanın NATO-ya daxil olmasına mənfi münasibəti ilə bağlı məqalə haqda sualı cavablandırarkən deyib.
Patel qeyd edib ki, Ukraynanın NATO-ya üzv qəbul edilməsi kollektiv qərardır və bütün alyans bunu qəbul etməlidir.
Dövlət Departamentinin sözçüsü əlavə edib ki, bununla belə, hələlik ABŞ Ukraynaya yardım göstərməkdə qərarlıdır.
