Kiyev və London yeni koalisiya yaradır
Ukrayna prezidenti Vladimir Zelenski Londonda Böyük Britaniyanın baş naziri Rişi Sunak ilə "qırıcı koalisiyanın" yaradılmasını müzakirə edib.
AFN.az xəbər verir ki, bu haqda Rusiya mediasında bildirilib. Qeyd edilir ki, danışıqlardan sonra Zelenski jurnalistlərə açıqlamasında Kiyev və Londonun "döyüşçülər üzrə koalisiya" yaratmaq planlarından danışıb.
"Düşünürəm ki, yaxın gələcəkdə bəzi, məncə, çox vacib qərarlar eşidəcəksiniz, amma bunun üzərində bir az daha işləməliyik" - deyə Zelenski qeyd edib. Ukrayna prezidentinin sözlərinə görə, Kiyevə hərbi təyyarələrin tədarükü Ukrayna üçün həlledicidir: "Bu gün biz təyyarələr haqqında danışdıq. Bizim üçün çox vacib mövzudur, çünki biz səmaya nəzarət edə bilmirik".
Zelenski Sunakın cəbhə xəttində baş verənlərin təfərrüatları barədə məlumatlı olmasına da diqqət çəkib.
Böyük Britaniyanın ukraynalı hərbi pilotlar üçün təlim mərkəzi açacağı da məlum olub. Ukraynalı pilotlar üçün təlim proqramı yayda başlayacaq. Məqsəd onların Qərb hərbi təyyarələrini idarə etmək bacarığına yiyələnməsidir.
