Türkiyə Cümhuriyyətinin 100-cü ilində futbol üzrə ölkə çempionu "Qalatasaray" oldu
Türkiyə Cumhuriyyətinin 100-cü ilində futbol üzrə ölkə çempionu müəyyənləşib.
AFN.az xəbər verir ki, bu ada "Qalatasaray" sahiblənib. "Ankaragücü" ilə oyunda 3 top üstünülüyü qazanan komanda vaxtından əvvəl çempionluğa yüksəlib. İkardinin (2), Barış Alpərin (1) və Serxio Oliveranın (1) vurduğu qollarla rəqibi 1:4 hesabı ilə məğlub edən "Qalatasaray" özünün 23-cü çempionluğunu qazanıb.
Çempionatın sonuncu oyunu "Qalatasaray"la "Fənərbaxça" arasında baş tutacaq. Hazırda bu komandalar arasında 5 xallıq fərq var.
